2023 жылдың 22 желтоқсанында колледждің келесі студенттері Соколов Р. (ТАУ-25 тобы), Шевчук Д. (ТАУ- 25 тобы), Коловникова А.  (МХ- 44 тобы), Кожурина А. (МХ- 35 тобы), Юрина А. (МХ- 35 тобы), Дялова В. (ТЭ- 27 тобы), Ротманов И. (ТЭ- 27 тобы), Губерт Б. (ТЭ- 27 тобы), Аралбай Р. (АТ- 28 тобы) "Саналы ұрпақ" клубының слетіне қатысты. Бұл шараға Павлодар облысынан 14 студенттік команда қатысты. Жастар арасында жемқорлыққа қарсы мәдениетті қалыптастыру -  аталмыш шарамен көзделген  басты мақсат. Слет екі байқаудан тұрды: клубтың таныстырылымы  және  "Жемқорлықсыз болашақ!" шығармашылық байқаудың презентациясы. Байқау нәтижелері бойынша біздің команда "Жемқорлыққа қарсы әдебиет" жобасының арқасында креативтілікпен көзге түсті. Команда мүшелері құнды сыйлықпен және сертификатпен марапатталды.

ҚР Тәуелсіздік күні қарсаңында, жастарды патриоттық тәрбиелеу мақсатында АТ 19, ГТМ 14  топтарының студенттерімен спорттың әскери-қолданбалы түрлері бойынша эстафета  өткізілді.  Білім алушылар жақсы нәтиже көрсетіп қана қоймай,  командада жұмыс істеу қабілеттерін тамашалатты.

2023 жылдың 1 желтоқсанында колледжде дәстүрлі түрде спортшылардың IX слеті ұйымдастырылды. Аталған іс-шара студенттерді, спорттық жарыстардың, облыстық және республикалық спартакиадалардың жеңімпаздарын құрметтеуге арналған. Салтанатты түрде спортшылар слетін колледж директоры В. Л. Якутов ашты. Директорымыз өзінің құттықтау-тілек білдіру сөзінің басында біздің оқытушыларымыз бен студенттерімізді «WorldSkills Kazakhstan-2023» республикалық кәсіби шеберлік чемпионатынан сәтті оралуымен құттықтады. Ол Ю. Н. Галузинаға, И.Карлинскаяға, В. В. Дричикке және К. Топчигречкоға алғыс хаттар табыстады.
Спортшылар слетіне құрметті қонақтар шақырылды: АОТДТО басшысы - Б.С. Тусупов және жеңіл атлетикадан ҚР халықаралық дәрежедегі спорт шебері, триатлоннан Павлодар облысы федерациясының президенті, ардагерлер арасындағы Олимпиада ойындарының қола жүлдегері, әлем чемпионатының қола жүлдегері-В. Н. Бондарь.
Слетке келген құрметті қонақтарымыз студенттерімізді кезекті жеңістерімен құттықтап, марапаттарды табыстауға қатысты.
Іс-шара соңында колледжіміздің студенттері мен спортшылары колледждің әнұранын салтанатты түрде орындап, естелікке қалатындай жалпы фотосурет түсірді. Осылайша, Павлодар политехникалық жоғары колледжінің 25 жылдығына арналған спортшылардың IX-ші слеті аяқталды.

Ағымдағы жылдың 23-25 қараша аралығында Астана қаласында жыл сайынғы "WorldSkills Kazakhstan - 2023" кәсіби шеберлік байқауы өтеді. Павлодар облысының командасына үздік, бірнеше іріктеуден өткен колледж студенттері кіреді.
Павлодар политехникалық жоғары колледжін «Графикалық дизайн» құзыреті бойынша Карлинская Ирина, сарапшы Галузина Юлия Николаевна, «Өнеркәсіптік автоматика» құзыреті бойынша Топчигречко Константин, сарапшы Дричик Владимир Владимирович көрсетеді.
Білім басқармасының басшысы Самал Айтқазина командамен кездесу өткізіп, қатысушыларға сәттілік тіледі.

Бүгін, 2023 жылғы 24 қарашада ТАУ-16 тобының 1 курс студенттері Семенов Роман, Бирюков Вадим және Ковалев Артем "Мен спортты таңдаймын!"квест-ойынына қатысты. Аталған іс-шараны Павлодар қаласының Ішкі істер департаменті ұйымдастырды. Ойынға 22 команда қатысты. Ойын қорытындысы бойынша біздің балалар 5-орынға ие болды. Олар дипломмен және бағалы сыйлықпен марапатталды. Құттықтаймыз, жарайсыңдар!

17 қараша күні политехникалық колледжде бірінші курс студенттеріне студентке арнау шарасы өткізілді. Аталмыш шараны колледждегі студенттік парламент белсенділері ұйымдастырды. Шараның басында колледж директоры В.Л.Якутов студенттерді құттықтап, студенттік билеттерді салтанатты түрде тапсырды. Жоғары курс студенттері қызықты студенттік нөмірлер мен музыкалық әуендерді, байқауларды дайындады. Ары қарай бірінші курс студенттері өз мамандықтары туралы көркем қойылымдарды ұсынды. Шараның аяғында колледж гимні орындалды. Бірінші курс студенттерін Павлодар политехникалық жоғары колледжінің студенттік өміріне қосылуымен құттықтаймыз.