15 қараша күні колледжде 1 курс студенттерін студенттікке арнау шарасы ұйымдастырылды. Аталған іс-шараны студенттік Парламенттің белсенділері дайындады. Іс-шара басында директордың міндетін атқарушы А.В.Якутова бірінші курс студенттерін құттықтап, салтанатты түрде студенттік билеттерді табыс етті. Іс-шара барысында музыкалық нөмірлер шырқалды, бірінші курс студенттері белсенді қатысқан күлкілі студенттік байқаулар өткізілді. Бұл шарада "Қорқыныш бөлмесі" деп аталған дефиле ең жарқын көріністің бірі болды. Аталған бөлмеге сессиядан өтпей қалған студенттер кіреді екен. Біз бірінші курс студенттерін тағы да құттықтаймыз және оларға жарқын студенттік өмір тілейміз!
